Obra horietan, itsasotik porturako sarbidea egokitu zen. Horretarako, dragatzea egin zen olatuen indarra aprobetxatzeko zentralean, metodo misto bat erabiliz: horretan pontona gaineko sareta-garabi bat erabili zen, urpekariek lagunduta, baita garabi kuskubiko bat ere, lehorretik lan egin zuena.

Gainera, aurrefabrikatutako pieza batzuk egin ziren obran bertan prestatutako lantegian; horretarako, 4.802 m3 HA-35 hormigoi behar izan ziren, eta 775 m3 HM-30. Kofratze fenoliko desmuntagarria erabiliz fabrikatu ziren piezak, eta kokatzeko, sareta-garabi handi bat erabili zen.

Bestalde, babes-dikea hobetzeko lanak egin ziren, eta sarbidekoak ere bai. Harri-lubetaren zenbait tamaina erabili ziren, hainbat pisutakoak, 2 t-tik hasi, 8, 15, 25eko piezak, eta 45 t baino gehiagokoak ere bai. Azkenean material horren 756.870,11 t erabili ziren.

Kokotea egitea ere obraren barnean zegoen. 17.600 m3 hormigoi erabili ziren kokotea altxa eta bukatzeko; 3,980 m3 harlangaitz karedun, zentralean ere erabili zena; eta 1366 m2 hormigoi, zentralera sartzeko arrapaletako zoladuran; eta hormigoizko inpostak, petrilak, olatuetatik babestekoak eta harresiak zentralean.

FITXA TEKNIKOA

Proiektuaren egilea:
ASMATU

Sustatzailea:
Portu eta Itsas Gaietarako Zuzendaritza. Eusko Jaurlaritza

Esleipenaren zenbatekoa:
22.036.992,12 euro

Hasiera-data:
2005eko urria

Bukaera-data:
2009ko martxoa

Lekua:
Mutriku (Gipuzkoa)

Obra-zuzendaria:
Luis Ignacio López de Aguileta Salazar jauna eta Idoia Ortubia andrea